শ্রীদত্তাত্রেয়াপরাধক্ষমাপণস্তোত্রম্

রসজ্ঞাবশাতারকং স্বাদুলভ্যম্
গৃহীতং কদাচিন্ন তে নাম দত্ত ।
ক্ষমস্বাপরাধং ক্ষমস্বাপরাধং
ক্ষমস্বাপরাধং প্রভো ক্লিন্নচিত্ত ॥ ১॥

বিয়োন্যন্তরে দৈবদার্ঢ্যা বিভোপ্রাগ্
গৃহীতং কদাচিন্ন তে নাম দত্ত ।
ক্ষমস্বাপরাধং ক্ষমস্বাপরাধং
ক্ষমস্বাপরাধং প্রভো ক্লিন্নচিত্ত ॥ ২॥

ময়া মাতৃগর্ভস্থিতিপ্রাপ্তকষ্টাৎ
গৃহীতং কদাচিন্ন তে নাম দত্ত ।
ক্ষমস্বাপরাধং ক্ষমস্বাপরাধং
ক্ষমস্বাপরাধং প্রভো ক্লিন্নচিত্ত ॥ ৩॥

ময়া জাতমাত্রেণ সংমোহিতেন
গৃহীতং কদাচিন্ন তে নাম দত্ত ।
ক্ষমস্বাপরাধং ক্ষমস্বাপরাধং
ক্ষমস্বাপরাধং প্রভো ক্লিন্নচিত্ত ॥ ৪॥

ময়া ক্রীডনাসক্তচিত্তেন বাল্যে
গৃহীতং কদাচিন্ন তে নাম দত্ত ।
ক্ষমস্বাপরাধং ক্ষমস্বাপরাধং
ক্ষমস্বাপরাধং প্রভো ক্লিন্নচিত্ত ॥ ৫॥

ময়া যৌবনেঽজ্ঞানতো ভোগতোষাদ্
গৃহীতং কদাচিন্ন তে নাম দত্ত ।
ক্ষমস্বাপরাধং ক্ষমস্বাপরাধং
ক্ষমস্বাপরাধং প্রভো ক্লিন্নচিত্ত ॥ ৬॥

ময়া স্থাবিরেনিঘ্নসর্বেন্দ্রিয়েণ
গৃহীতং কদাচিন্ন তে নাম দত্ত ।
ক্ষমস্বাপরাধং ক্ষমস্বাপরাধং
ক্ষমস্বাপরাধং প্রভো ক্লিন্নচিত্ত ॥ ৭॥

হৃষীকেশ মে বাঙ্মনঃকায়জাতম্
হরেজ্ঞানতোঽজ্ঞানতো বিশ্বসাক্ষিন্ ।
ক্ষমস্বাপরাধং ক্ষমস্বাপরাধং
ক্ষমস্বাপরাধং প্রভো ক্লিন্নচিত্ত ॥ ৮॥

স্মৃতো ধ্যাত আবাহিতোঽস্যর্চিতো বা
ন গীতঃ স্তুতো বন্দিতো বা ন জপ্তঃ ।
ক্ষমস্বাপরাধং ক্ষমস্বাপরাধং
ক্ষমস্বাপরাধং প্রভো ক্লিন্নচিত্ত ॥ ৯॥

দয়াব্ধির্ভবাদ্দঙ্ন সাগাশ্চ মাদৃগ্
ভবত্যাৎপমন্তোর্ভবান্মে শরণ্যঃ ।
যথালম্বনং ভূর্হি ভূনিঃসৃতাঙ্ঘ্রে
রিতি প্রার্থিতং দত্তশিষ্যেণ সারম্ ॥ ১০॥

॥ ইতি পরমপূজ্য শ্রীমদ্ বাসুদেবানন্দসরস্বতী
স্বামীমহারাজকৃত অপরাধক্ষমাপন স্তোত্রং সম্পূর্ণম্ ॥