shrIdattAparAdhakShamApaNastotram

শ্রীদত্তাপরাধক্ষমাপণস্তোত্রম্

দত্তাত্রেয়ং ত্বাং নমামি প্রসীদ ত্বং সর্বাত্মা সর্বকর্তা ন বেদ ।
কোঽপ্যন্তং তে সর্বদেবাধিদেব জ্ঞাতাঽজ্ঞাতান্মেঽপরাধান্ ক্ষমস্ব ॥ ১॥

ত্বদুদ্ভবত্বাত্বদধীনধীত্বাত্তবমেব মে বন্দ্য উপাস্য আত্মন্ ।
অথাপি মৌঢ্যাৎ স্মরণং ন তে মে কৃতং ক্ষমস্ব প্রিয়কৃন্মহাত্মন্ ॥ ২॥

ভোগাপবর্গপ্রদমার্তবন্ধুং কারুণ্যসিন্ধুং পরিহায় বন্ধুম্ ।
হিতায় চাঽন্যং পরিমার্গয়ন্তি হা মাদৃশো নষ্টদৃশো বিমূঢাঃ ॥ ৩॥

ন মৎসমো যদ্যপি পাপকর্তা ন ত্বৎসমোঽথাপি হি পাপহর্তা ।
ন মৎসমোঽন্যো দয়নীয় আর্য ন ত্বৎসমঃ ক্বাপি দয়ালুবর্যঃ ॥ ৪॥

অনাথনাথোঽসি সুদীনবন্ধো শ্রীশাঽনুকম্পামৃতপূর্ণসিন্ধো ।
ত্বৎপাদভক্তিং তব দাসদাস্যং ত্বদীয়মন্ত্রার্থদৃঢৈকনিষ্ঠাম্ ॥ ৫॥

গুরূস্মৃতিং নির্মলবুদ্ধিমাধিব্যাধিক্ষয়ং মে বিজয় চ দেহি ।
ইষ্টার্থসিদ্ধিং বরলোকবশ্যং ধনান্নবৃদ্ধিং বরগোসমৃদ্ধিম্ ॥ ৬॥

পুত্রাদিলব্ধিং ম উদারতাং চ দেহীশ মে চাস্ত্বভয় হি সর্বতঃ ।
ব্রহ্মাঽগ্নিভূম্যো নম ওষধীভ্যো বাচে নমো বাক্পতয়ে চ বিষ্ণবে ॥ ৭॥

শান্তাঽস্তু ভূর্নঃ শিবমন্তরিক্ষ দ্যৌশ্চাঽভয়ং নোঽস্তু দিশ শিবাশ্চ ।
আপশ্চ বিদ্যুৎপরিপান্তু দেবাঃ শ সর্বতো মেঽভয়মস্তু শান্তিঃ ॥ ৮॥

॥ইতি শ্রীবাসুদেবানন্দসরস্বতীবিরচিতং
দত্তাপরাধক্ষমাপণস্তোত্রং সম্পূর্ণম্ ॥

Proofread by Arvind Kolhatkar akolhatkar at rogers.com