Brahmasutra
ব্রহ্মসূত্রাণি
ওঁ
॥ শ্রী গুরুভ্যো নমঃ হরিঃ ওঁ॥
॥ শ্রী বাদরায়ণাভিধেয়শ্রীবেদব্যাসমহর্ষিপ্রণীতানি
শ্রী ব্রহ্মসূত্রাণি॥
॥ অথ প্রথমোঽধ্যায়ঃ॥
ওঁ অথাতো ব্রহ্মজিজ্ঞাসা ওঁ ॥ ১.১.১॥
ওঁ জন্মাদ্যস্য যতঃ ওঁ ॥ ১.১.২॥
ওঁ শাস্ত্রয়োনিত্বাৎ ওঁ ॥ ১.১.৩॥
ওঁ তত্তুসমন্বয়াৎ ওঁ ॥ ১.১.৪॥
ওঁ ঈক্ষতের্নাশব্দম্ ওঁ ॥ ১.১.৫॥
ওঁ গৌণশ্চেন্নাত্মশব্দাৎ ওঁ ॥ ১.১.৬॥
ওঁ তন্নিষ্ঠস্য মোক্ষোপদেশাৎ ওঁ ॥ ১.১.৭॥
ওঁ হেয়ত্বাবচনাচ্চ ওঁ ॥ ১.১.৮॥
ওঁ স্বাপ্যযাৎ ওঁ ॥ ১.১.৯॥
ওঁ গতিসামান্যাৎ ওঁ ॥ ১.১.১০॥
ওঁ শ্রুতত্বাচ্চ ওঁ ॥ ১.১.১১॥
ওঁ আনন্দময়োঽভ্যাসাৎ ওঁ ॥ ১.১.১২॥
ওঁ বিকারশব্দান্নেতিচেন্ন প্রাচুর্যাৎ ওঁ ॥ ১.১.১৩॥
ওঁ তদ্ধেতুব্যপদেশাচ্চ ওঁ ॥ ১.১.১৪॥
ওঁ মান্ত্রবর্ণিকমেব চ গীয়তে ওঁ ॥ ১.১.১৫॥
ওঁ নেতরোঽনুপপত্তেঃ ওঁ ॥ ১.১.১৬॥
ওঁ ভেদব্যপদেশাচ্চ ওঁ ॥ ১.১.১৭॥
ওঁ কামাচ্চ নানুমানাপেক্ষা ওঁ ॥ ১.১.১৮॥
ওঁ অস্মিন্নস্য চ তদ্যোগং শাস্তি ওঁ ॥ ১.১.১৯॥
ওঁ অন্তস্তদ্ধর্মোপদেশাৎ ওঁ ॥ ১.১.২০॥
ওঁ ভেদব্যপদেশাচ্চান্যঃ ওঁ ॥ ১.১.২১॥
ওঁ আকাশস্তল্লিঙ্গাৎ ওঁ ॥ ১.১.২২॥
ওঁ অত এব প্রাণঃ ওঁ ॥ ১.১.২৩॥
ওঁ জ্যোতিশ্চরণাভিধানাৎ ওঁ ॥ ১.১.২৪॥
ওঁ ছন্দোঽভিধানান্নেতিচেন্ন তথাচেতোঽর্পণনিগদাত্তথা
হি দর্শনম্ ওঁ ॥ ১.১.২৫॥
ওঁ ভূতাদিপাদব্যপদেশোপপত্তেশ্চৈবম্ ওঁ ॥ ১.১.২৬॥
ওঁ উপদেশভেদান্নেতি চেন্নোভয়স্মিন্নপ্যবিরোধাৎ ওঁ ॥ ১.১.২৭॥
ওঁ প্রাণস্তথানুগমাৎ ওঁ ॥ ১.১.২৮॥
ওঁ নবক্তুরাত্মোপদেশাদিতি চেদধ্যাত্মসম্বন্ধভূমা
হ্যস্মিন্ ওঁ ॥ ১.১.২৯॥
ওঁ শাস্ত্রদৃষ্ট্যা তূপদেশো বামদেববৎ ওঁ ॥ ১.১.৩০॥
ওঁ জীবমুখ্যপ্রাণলিঙ্গান্নেতি চেন্নোপাসত্রৈবিদ্যাদাশ্রিতত্বাদিহ
তদ্যোগাৎ ওঁ ॥ ১.১.৩১॥
ইতি শ্রীমৎকৃষ্ণদ্বৈপায়নকৃতব্রহ্মসূত্রেষু
প্রথমাধ্যায়স্য প্রথমঃ পাদঃ সমাপ্তঃ
ওঁ সর্বত্র প্রসিদ্ধোপদেশাৎ ওঁ ॥ ১.২.১॥
ওঁ বিবক্ষিতগুণোপপত্তেশ্চ ওঁ ॥ ১.২.২॥
ওঁ অনুপপত্তেস্তু ন শারীরঃ ওঁ ॥ ১.২.৩॥
ওঁ কর্মকর্তৃব্যপদেশাচ্চ ওঁ ॥ ১.২.৪॥
ওঁ শব্দবিশেষাৎ ওঁ ॥ ১.২.৫॥
ওঁ স্মৃতেশ্চ ওঁ ॥ ১.২.৬॥
ওঁ অর্ভকৌকস্ত্বাৎ তদ্ব্যপদেশাচ্চ নেতি চেন্ন নিচায়্যত্বাদেবং
ব্যোমবচ্চ ওঁ ॥ ১.২.৭॥
ওঁ সম্ভোগপ্রাপ্তিরিতি চেন্ন বৈশেষ্যাৎ ওঁ ॥ ১.২.৮॥
ওঁ অত্তা চরাচরগ্রহণাৎ ওঁ ॥ ১.২.৯॥
ওঁ প্রকরণাচ্চ ওঁ ॥ ১.২.১০॥
ওঁ গুহাং প্রবিষ্টাবাত্মানৌ হি তদ্দর্শনাৎ ওঁ ॥ ১.২.১১॥
ওঁ বিশেষণাচ্চ ওঁ ॥ ১.২.১২॥
ওঁ অন্তর উপপত্তেঃ ওঁ ॥ ১.২.১৩॥
ওঁ স্থানাদিব্যপদেশাচ্চ ওঁ ॥ ১.২.১৪॥
ওঁ সুখবিশিষ্টাভিধানাদেব চ ওঁ ॥ ১.২.১৫॥
ওঁ শ্রুতোপনিষৎকগত্যভিধানাচ্চ ওঁ ॥ ১.২.১৬॥
ওঁ অনবস্থিতেরসম্ভবাচ্চ নেতরঃ ওঁ ॥ ১.২.১৭॥
ওঁ অন্তর্যাম্যধিদৈবাদিষু তদ্ধর্মব্যপদেশাৎ ওঁ ॥ ১.২.১৮॥
ওঁ ন চ স্মার্তং অতদ্ধর্মাভিপালাৎ ওঁ ॥ ১.২.১৯॥
ওঁ শরীরশ্চোভয়েঽপি হি ভেদেনৈনমধীয়তে ওঁ ॥ ১.২.২০॥
ওঁ অদৃশ্যত্বাদিগুণকো ধর্মোক্তেঃ ওঁ ॥ ১.২.২১॥
ওঁ বিশেষণভেদব্যপদেশাভ্যাং নেতরৌ ওঁ ॥ ১.২.২২॥
ওঁ রূপোপন্যাসাচ্চ ওঁ ॥ ১.২.২৩॥
ওঁ বৈশ্বানরঃ সাধারণশব্দবিশেষাৎ ওঁ ॥ ১.২.২৪॥
ওঁ স্মর্যমাণমনুমানং স্যাদিতি ওঁ ॥ ১.২.২৫॥
ওঁ শব্দাদিভ্যোঽন্তঃ প্রতিষ্ঠানান্নেতি চেন্ন তথা
(পাঠেভদ প্রতিষ্ঠানাচ্চ নেতি চেন্ন)
দৃষ্ট্যুপদেশাদসম্ভবাৎপুরুষবিধ্মপি চৈনমধীয়তে ওঁ ॥ ১.২.২৬॥
ওঁ অত এব ন দেবতা ভূতং চ ওঁ ॥ ১.২.২৭॥
ওঁ সাক্ষাদপ্যবিরোধং জৈমিনিঃ ওঁ ॥ ১.২.২৮॥
ওঁ অভিব্যক্তেরিত্যাশ্মরথ্যঃ ওঁ ॥ ১.২.২৯॥
ওঁ অনুস্মৃতের্বাদরিঃ ওঁ ॥ ১.২.৩০॥
ওঁ সম্পত্তেরিতি জৈমিনিঃ তথা হি দর্শয়তি ওঁ ॥ ১.২.৩১॥
ওঁ আমনন্তি চৈনমস্মিন্ ওঁ ॥ ১.২.৩২॥
ইতি শ্রীমৎকৃষ্ণদ্বৈপায়নকৃতব্রহ্মসূত্রেষু
প্রথমাধ্যায়স্য দ্বিতীয়ঃ পাদঃ সমাপ্তঃ
ওঁ দ্যুভ্বাদ্যায়তনং স্বশব্দাৎ ওঁ ॥ ১.৩.১॥
ওঁ মুক্তোপসৃপ্যব্যপদেশাৎ ওঁ ॥ ১.৩.২॥
ওঁ নানুমানমতচ্ছব্দাৎ ওঁ ॥ ১.৩.৩॥
ওঁ প্রাণভৃচ্চ ওঁ ॥ ১.৩.৪॥
ওঁ ভেদব্যপদেশাৎ ওঁ ॥ ১.৩.৫॥
ওঁ প্রকরণাৎ ওঁ ॥ ১.৩.৬॥
ওঁ স্থিত্যদনাভ্যাং চ ওঁ ॥ ১.৩.৭॥
ওঁ ভূমা সম্প্রসাদাদধ্যুপদেশাৎ ওঁ ॥ ১.৩.৮॥
ওঁ ধর্মোপপত্তেশ্চ ওঁ ॥ ১.৩.৯॥
ওঁ অক্ষরমম্বরান্তধৃতেঃ ওঁ ॥ ১.৩.১০॥
ওঁ সা চ প্রশাসনাৎ ওঁ ॥ ১.৩.১১॥
ওঁ অন্যভাবব্যাবৃত্তেশ্চ ওঁ ॥ ১.৩.১২॥
ওঁ ঈক্ষতিকর্মব্যপদেশাৎ সঃ ওঁ ॥ ১.৩.১৩॥
ওঁ দহর উত্তরেভ্যঃ ওঁ ॥ ১.৩.১৪॥
ওঁ গতিশব্দাভ্যাং তথা হি দৃষ্টং লিঙ্গং চ ওঁ ॥ ১.৩.১৫॥
ওঁ ধৃতেশ্চ মহিম্নোঽস্যাস্মিন্নুপলব্ধেঃ ওঁ ॥ ১.৩.১৬॥
ওঁ প্রসিদ্ধেশ্চ ওঁ ॥ ১.৩.১৭॥
ওঁ ইতরপরামর্শাৎ স ইতি চেন্নাসম্ভবাৎ ওঁ ॥ ১.৩.১৮॥
ওঁ উত্তরাচ্চেদাবির্ভূতস্বরূপস্তু ওঁ ॥ ১.৩.১৯॥
ওঁ অন্যার্থশ্চ পরামর্শঃ ওঁ ॥ ১.৩.২০॥
ওঁ অল্পশ্রুতেরিতি চেত্তদুক্তম্ ওঁ ॥ ১.৩.২১॥
ওঁ অনুকৃতেস্তস্য চ ওঁ ॥ ১.৩.২২॥
ওঁ অপি স্মর্যতে ওঁ ॥ ১.৩.২৩॥ পাঠভেদ অপি চ স্মর্যতে
ওঁ শব্দাদেব প্রমিতঃ ওঁ ॥ ১.৩.২৪॥
ওঁ হৃদ্যপেক্ষয়া তু মনুষ্যাধিকারত্বাৎ ওঁ ॥ ১.৩.২৫॥
ওঁ তদুপর্যপি বাদরায়ণঃ সম্ভবাৎ ওঁ ॥ ১.৩.২৬॥
ওঁ বিরোধঃ কর্মণীতি চেন্নানেকপ্রতিপত্তের্দর্শনাৎ ওঁ ॥ ১.৩.২৭॥
ওঁ শব্দ ইতিচেন্নাতঃ প্রভবাৎপ্রত্যক্ষানুমানাভ্যাম্ ওঁ ॥ ১.৩.২৮॥
ওঁ অত এব চ নিত্যত্বম্ ওঁ ॥ ১.৩.২৯॥
ওঁ সমাননামরূপত্বাচ্চাবৃত্তাবপ্যবিরোধো
দর্শনাৎস্মৃতেশ্চ ওঁ ॥ ১.৩.৩০॥
ওঁ মধ্বাদিষ্বসম্ভবাদনধিকারং জৈমিনিঃ ওঁ ॥ ১.৩.৩১॥
ওঁ জ্যোতিষি ভাবাচ্চ ওঁ ॥ ১.৩.৩২॥
ওঁ ভাবং তু বাদরায়ণোঽস্তি হি ওঁ ॥ ১.৩.৩৩॥
ওঁ শুগস্য তদনাদরশ্রবণাত্তদাদ্রবণাৎসূচ্যতে হি ওঁ ॥ ১.৩.৩৪॥
ওঁ ক্ষত্রিয়ত্বাগতেশ্চোত্তরত্র চৈত্ররথেন লিঙ্গাৎ ওঁ ॥ ১.৩.৩৫॥
ওঁ সংস্কারপরামর্শাত্তদভাবাভিলাপাচ্চ ওঁ ॥ ১.৩.৩৬॥
ওঁ তদভাবনির্ধারণে চ প্রবৃত্তেঃ ওঁ ॥ ১.৩.৩৭॥
ওঁ শ্রবণাধ্যযনার্থপ্রতিষেধাৎ স্মৃতেশ্চ ওঁ ॥ ১.৩.৩৮॥
ওঁ কম্পনাৎ ওঁ ॥ ১.৩.৩৯॥
ওঁ জ্যোতির্দর্শনাৎ ওঁ ॥ ১.৩.৪০॥
ওঁ আকাশোঽর্থান্তরত্বাদিব্যপদেশাৎ ওঁ ॥ ১.৩.৪১॥
ওঁ সুষুপ্ত্যুৎক্রান্ত্যোর্ভেদেন ওঁ ॥ ১.৩.৪২॥
ওঁ পত্যাদিশব্দেভ্যঃ ওঁ ॥ ১.৩.৪৩॥
ইতি শ্রীমৎকৃষ্ণদ্বৈপায়নকৃতব্রহ্মসূত্রেষু
প্রথমাধ্যায়স্য তৃতীয়ঃ পাদঃ সমাপ্তঃ
ওঁ আনুমানিকমপ্যেকেষামিতি চেন্ন শরীররূপকবিন্যস্তগৃহীতের্দর্শয়তি
চ ওঁ ॥ ১.৪.১॥
ওঁ সূক্ষ্মং তু তদর্হত্বাৎ ওঁ ॥ ১.৪.২॥
ওঁ তদধীনত্বাদর্থবৎ ওঁ ॥ ১.৪.৩॥
ওঁ জ্ঞেয়ত্বাবচনাচ্চ ওঁ ॥ ১.৪.৪॥
ওঁ বদতীতি চেন্ন প্রাজ্ঞো হি ওঁ ॥ ১.৪.৫॥
পাঠভেদ 1.4.5 and 6 combined
ওঁ প্রকরণাৎ ওঁ ॥ ১.৪.৬॥
ওঁ ত্রয়াণামেব চৈবমুপন্যাসঃ প্রশ্নশ্চ ওঁ ॥ ১.৪.৭॥
ওঁ মহদ্বচ্চ ওঁ ॥ ১.৪.৮॥
ওঁ চমসবদবিশেষাৎ ওঁ ॥ ১.৪.৯॥
ওঁ জ্যোতিরুপক্রমা তু তথা হ্যধীয়ত একে ওঁ ॥ ১.৪.১০॥ (জ্যোতিরুপক্রমাত্তু)
ওঁ কল্পনোপদেশাচ্চ মধ্বাদিবদবিরোধঃ ওঁ ॥ ১.৪.১১॥
ওঁ ন সঙ্খ্যোপসঙ্গ্রহাদপি নানাভাবাদতিরেকাচ্চ ওঁ ॥ ১.৪.১২॥
ওঁ প্রাণাদয়ো বাক্যশেষাৎ ওঁ ॥ ১.৪.১৩॥
ওঁ জ্যোতিষৈকেষামসত্যন্নে ওঁ ॥ ১.৪.১৪॥
ওঁ কারণত্বেন চাকাশাদিষু যথাব্যপদিষ্টোক্তেঃ ওঁ ॥ ১.৪.১৫॥
ওঁ সমাকর্ষাৎ ওঁ ॥ ১.৪.১৬॥
ওঁ জগদ্বাচিত্বাৎ ওঁ ॥ ১.৪.১৭॥
ওঁ জীবমুখ্যপ্রাণলিঙ্গান্নেতি চেৎ তদ্ব্যাখ্যাতম্ ওঁ ॥ ১.৪.১৮॥ (জীবমুখ্যপ্রাণলিঙ্গাদিতি)
ওঁ অন্যার্থং তু জৈমিনিঃ প্রশ্নব্যাখ্যানাভ্যামপি চৈবমেকে ওঁ ॥ ১.৪.১৯॥
ওঁ বাক্যান্বয়াৎ ওঁ ॥ ১.৪.২০॥
ওঁ প্রতিজ্ঞাসিদ্ধের্লিঙ্গমাশ্মরথ্যঃ ওঁ ॥ ১.৪.২১॥
ওঁ উৎক্রমিষ্যত এবং ভাবাদিত্যৌডুলোমিঃ ওঁ ॥ ১.৪.২২॥
ওঁ অবস্থিতেরিতি কাশকৃৎস্নঃ ওঁ ॥ ১.৪.২৩॥
ওঁ প্রকৃতিশ্চ প্রতিজ্ঞাদৃষ্টান্তানুপরোধাৎ ওঁ ॥ ১.৪.২৪॥
ওঁ অভিধ্যোপদেশাচ্চ ওঁ ॥ ১.৪.২৫॥
ওঁ সাক্ষাচ্চোভয়াম্নানাৎ ওঁ ॥ ১.৪.২৬॥
ওঁ আত্মকৃতেঃ পরিণামাৎ ওঁ ॥ ১.৪.২৭॥
ওঁ যোনিশ্চ হি গীয়তে ওঁ ॥ ১.৪.২৮॥
ওঁ এতেন সর্বেব্যাখ্যাতাব্যাখ্যাতাঃ ওঁ ॥ ১.৪.২৯॥
ইতি শ্রীমৎকৃষ্ণদ্বৈপায়নকৃতব্রহ্মসূত্রেষু
প্রথমাধ্যায়স্য চতুর্থঃ পাদঃ সমাপ্তঃ
॥ ইতি প্রথমোঽধ্যায়ঃ॥
॥ অথ দ্বিতীয়োঽধ্যায়ঃ॥
ওঁ স্মৃত্যনবকাশদোষপ্রসঙ্গ ইতি
চেন্নান্যস্মৃত্যনবকাশদোষপ্রসঙ্গাৎ ওঁ ॥ ২.১.১॥
ওঁ ইতরেষাং চানুপলব্ধেঃ ওঁ ॥ ২.১.২॥
ওঁ এতেন যোগঃ প্রত্যুক্তঃ ওঁ ॥ ২.১.৩॥
ওঁ ন বিলক্ষণত্বাদস্য তথাত্বং চ শব্দাৎ ওঁ ॥ ২.১.৪॥
ওঁ দৃশ্যতে তু ওঁ ॥ ২.১.৫॥
ওঁ অভিমানিব্যপদেশস্তু বিশেষানুগতিভ্যাম্ ওঁ ॥ ২.১.৬॥
ওঁ দৃশ্যতে চ ওঁ ॥ ২.১.৭॥ পাঠভেদ দৃশ্যতে তু
ওঁ অসদিতি চেন্ন প্রতিষেধমাত্রত্বাৎ ওঁ ॥ ২.১.৮॥
ওঁ অপীতৌ তদ্বৎপ্রসঙ্গাদসমঞ্জসম্ ওঁ ॥ ২.১.৯॥
ওঁ ন তু দৃষ্টান্তভাবাৎ ওঁ ॥ ২.১.১০॥
ওঁ স্বপক্ষদোষাচ্চ ওঁ ॥ ২.১.১১॥
ওঁ তর্কাপ্রতিষ্ঠানাদপি অন্যথানুমেয়মিতি
চেদেবমপ্যনির্মোক্ষপ্রসঙ্গঃ ওঁ ॥ ২.১.১২॥
ওঁ এতেন শিষ্টাপরিগ্রহাঽপি ব্যাখ্যাতাঃ ওঁ ॥ ২.১.১৩॥
ওঁ ভোক্ত্রাপত্তেরবিভাগশ্চেৎস্যাল্লোকবৎ ওঁ ॥ ২.১.১৪॥
ওঁ তদনন্যত্বমারম্ভণশব্দাদিভ্যঃ ওঁ ॥ ২.১.১৫॥
ওঁ ভাবে চোপলব্ধেঃ ওঁ ॥ ২.১.১৬॥
ওঁ সত্ত্বাচ্চাবরস্য ওঁ ॥ ২.১.১৭॥
ওঁ অসদ্ব্যপদেশান্নেতি চেন্ন ধর্মান্তরেণ বাক্যশেষাৎ ওঁ ॥ ২.১.১৮॥
ওঁ যুক্তেঃ শব্দান্তরাচ্চ ওঁ ॥ ২.১.১৯॥
ওঁ পটবচ্চ ওঁ ॥ ২.১.২০॥
ওঁ যথা প্রাণাদিঃ ওঁ ॥ ২.১.২১॥
ওঁ ইতরব্যপদেশাদ্ধিতাকরণাদিদোষপ্রসক্তিঃ ওঁ ॥ ২.১.২২॥
ওঁ অধিকং তু ভেদনির্দেশাৎ ওঁ ॥ ২.১.২৩॥
ওঁ অশ্মাদিবচ্চ তদনুপপত্তিঃ ওঁ ॥ ২.১.২৪॥
ওঁ উপসংহারদর্শনান্নেতি চেন্ন ক্ষীরবদ্ধি ওঁ ॥ ২.১.২৫॥
ওঁ দেবাদিবদপি লোকে ওঁ ॥ ২.১.২৬॥
ওঁ কৃৎস্নপ্রসক্তির্নিরবয়বত্বশব্দকোপো বা ওঁ ॥ ২.১.২৭॥
ওঁ শ্রুতেস্তু শব্দমূলত্বাৎ ওঁ ॥ ২.১.২৮॥
ওঁ আত্মনি চৈবং বিচিত্রাশ্চ হি ওঁ ॥ ২.১.২৯॥
ওঁ স্বপক্ষদোষাচ্চ ওঁ ॥ ২.১.৩০॥
ওঁ সর্বোপেতা চ তদ্দর্শনাৎ ওঁ ॥ ২.১.৩১॥
ওঁ বিকরণত্বান্নেতিচেত্তদুক্তম্ ওঁ ॥ ২.১.৩২॥
ওঁ ন প্রয়োজনত্ত্বাৎ ওঁ ॥ ২.১.৩৩॥
ওঁ লোকবত্তু লীলাকৈবল্যম্ ওঁ ॥ ২.১.৩৪॥
ওঁ বৈষ্যম্যনৈর্ঘৃণ্যে ন সাপেক্ষত্বাত্তথা হি দর্শয়তি ওঁ ॥ ২.১.৩৫॥
ওঁ কর্মাবিভাগাদিতি চেন্নানাদিত্বাৎ ওঁ ॥ ২.১.৩৬॥
ওঁ উপপদ্যতে চাপ্যুপলভ্যতে চ ওঁ ॥ ২.১.৩৭॥
ওঁ সর্বধর্মোপপত্তেশ্চ ওঁ ॥ ২.১.৩৮॥
ইতি শ্রীমৎকৃষ্ণদ্বৈপায়নকৃতব্রহ্মসূত্রেষু
দ্বিতীয়াধ্যায়স্য প্রথমঃ পাদঃ সমাপ্তঃ
ওঁ রচনানুপপত্তেশ্চ নানুমানম্ ওঁ ॥ ২.২.১॥
ওঁ প্রবৃত্তেশ্চ ওঁ ॥ ২.২.২॥
ওঁ পয়োঽম্বুবচ্চেত্তত্রাপি ওঁ ॥ ২.২.৩॥
ওঁ ব্যতিরেকানবস্থিতেশ্চানপেক্ষত্বাৎ ওঁ ॥ ২.২.৪॥
ওঁ অন্যত্রাভাবাচ্চ ন তৃণাদিবৎ ওঁ ॥ ২.২.৫॥
ওঁ অভ্যুপগমেঽপ্যর্থাভাবাৎ ওঁ ॥ ২.২.৬॥
ওঁ পুরুষাশ্মবদিতিচেত্তথাপি ওঁ ॥ ২.২.৭॥
ওঁ অঙ্গিত্বানুপপত্তেঃ ওঁ ॥ ২.২.৮॥
ওঁ অন্যথানুমিতৌ চ জ্ঞশক্তিবিয়োগাৎ ওঁ ॥ ২.২.৯॥
ওঁ বিপ্রতিষেধাচ্চাসমঞ্জসম্ ওঁ ॥ ২.২.১০॥
ওঁ মহদ্দীর্ঘবদ্ধা হ্রস্বপরিমণ্ডলাভ্যাম্ ওঁ ॥ ২.২.১১॥
ওঁ উভয়থাপি ন কর্মাতস্তদভাবঃ ওঁ ॥ ২.২.১২॥
ওঁ সমবায়াভ্যুপগমাচ্চ সাম্যাদনবস্থিতেঃ ওঁ ॥ ২.২.১৩॥
ওঁ নিত্যমেব চ ভাবাৎ ওঁ ॥ ২.২.১৪॥
ওঁ রূপাদিমত্ত্বাচ্চ বিপর্যযো দর্শনাৎ ওঁ ॥ ২.২.১৫॥
ওঁ উভয়থা চ দোষাৎ ওঁ ॥ ২.২.১৬॥
ওঁ অপরিগ্রহাচ্চাত্যন্তমনপেক্ষা ওঁ ॥ ২.২.১৭॥
ওঁ সমুদায়োভয়হেতুকেঽপি তদপ্রাপ্তিঃ ওঁ ॥ ২.২.১৮॥
ওঁ ইতরেতরপ্রত্যযত্বাদিতি চেন্নৌৎপত্তিমাত্রনিমিত্তত্বাৎ ওঁ ॥ ২.২.১৯॥
ওঁ উত্তরোৎপাদে চ পূর্বনিরোধাৎ ওঁ ॥ ২.২.২০॥
ওঁ অসতি প্রতিজ্ঞোপরোধো যৌগপদ্যমন্যথা ওঁ ॥ ২.২.২১॥
ওঁ প্রতিসঙ্খ্যাপ্রতিসঙ্খ্যানিরোধাপ্রাপ্তিঃ অবিচ্ছেদাৎ ওঁ ॥ ২.২.২২॥
ওঁ উভয়থা চ দোষাৎ ওঁ ॥ ২.২.২৩॥
ওঁ আকাশে চাবিশেষাৎ ওঁ ॥ ২.২.২৪॥
ওঁ অনুস্মৃতেশ্চ ওঁ ॥ ২.২.২৫॥
ওঁ নাসতোঽদৃষ্টত্বাৎ ওঁ ॥ ২.২.২৬॥
ওঁ উদাসীনানামপি চৈবং সিদ্ধিঃ ওঁ ॥ ২.২.২৭॥
ওঁ নাভাব উপলব্ধেঃ ওঁ ॥ ২.২.২৮॥
ওঁ বৈধর্ম্যাচ্চ ন স্বপ্নাদিবৎ ওঁ ॥ ২.২.২৯॥
ওঁ ন ভাবোঽনুপলব্ধেঃ ওঁ ॥ ২.২.৩০॥
ওঁ ক্ষণিকত্বাচ্চ ওঁ ॥ ২.২.৩১॥
ওঁ সর্বথানুপপত্তেশ্চ ওঁ ॥ ২.২.৩২॥
ওঁ নৈকস্মিন্নসম্ভবাৎ ওঁ ॥ ২.২.৩৩॥
ওঁ এবং চাত্মাকার্ত্স্ন্যম্ ওঁ ॥ ২.২.৩৪॥
ওঁ ন চ পর্যায়াদপ্যবিরোধঃ বিকারাদিভ্যঃ ওঁ ॥ ২.২.৩৫॥
ওঁ অন্ত্যাবস্থিতেশ্চোভয়নিত্যত্বাদবিশেষৎ ওঁ ॥ ২.২.৩৬॥
ওঁ পত্যুরসামঞ্জস্যাৎ ওঁ ॥ ২.২.৩৭॥
ওঁ সম্বন্ধানুপপত্তেশ্চ ওঁ ॥ ২.২.৩৮॥
ওঁ অধিষ্ঠানানুপপত্তেশ্চ ওঁ ॥ ২.২.৩৯॥
ওঁ করণবচ্চেন্ন ভোগাদিভ্যঃ ওঁ ॥ ২.২.৪০॥
ওঁ অন্তবত্ত্বমসর্বজ্ঞতা বা ওঁ ॥ ২.২.৪১॥
ওঁ উৎপত্ত্যসম্ভবাৎ ওঁ ॥ ২.২.৪২॥
ওঁ ন চ কর্তুঃ করণম্ ওঁ ॥ ২.২.৪৩॥
ওঁ বিজ্ঞানাদিভাবে বা তদপ্রতিষেধঃ ওঁ ॥ ২.২.৪৪॥
ওঁ বিপ্রতিষেধাচ্চ ওঁ ॥ ২.২.৪৫॥
ইতি শ্রীমৎকৃষ্ণদ্বৈপায়নকৃতব্রহ্মসূত্রেষু
দ্বিতীয়াধ্যায়স্য দ্বিতীয়ঃ পাদঃ সমাপ্তঃ
ওঁ ন বিয়দশ্রুতেঃ ওঁ ॥ ২.৩.১॥
ওঁ অস্তি তু ওঁ ॥ ২.৩.২॥
ওঁ গৌণ্যসম্ভবাৎ ওঁ ॥ ২.৩.৩॥
ওঁ শব্দাচ্চ ওঁ ॥ ২.৩.৪॥
ওঁ স্যাচ্চৈকস্য ব্রহ্মশব্দবৎ ওঁ ॥ ২.৩.৫॥
ওঁ প্রতিজ্ঞাহানিরব্যতিরেকাচ্ছব্দেভ্যঃ ওঁ ॥ ২.৩.৬॥
ওঁ যাবদ্বিকারং তু বিভাগো লোকবৎ ওঁ ॥ ২.৩.৭॥
ওঁ এতেন মাতরিশ্বা ব্যাখ্যাতঃ ওঁ ॥ ২.৩.৮॥
ওঁ অসম্ভবস্তু সতোঽনুপপত্তেঃ ওঁ ॥ ২.৩.৯॥
ওঁ তেজোঽতস্তথা হ্যাহ ওঁ ॥ ২.৩.১০॥
ওঁ আপঃ ওঁ ॥ ২.৩.১১॥
ওঁ পৃথিব্যধিকাররূপশব্দান্তরাদিভ্যঃ ওঁ ॥ ২.৩.১২॥
ওঁ তদভিধ্যানাদেব তু তল্লিঙ্গাৎ সঃ ওঁ ॥ ২.৩.১৩॥
ওঁ বিপর্যযেণ তু ক্রমোঽত উপপদ্যতে চ ওঁ ॥ ২.৩.১৪॥
ওঁ অন্তরা বিজ্ঞানমনসী ক্রমেণ তল্লিঙ্গাদিতি
চেন্নাবিশেষাৎ ওঁ ॥ ২.৩.১৫॥
ওঁ চরাচরব্যপাশ্রয়স্তু স্যাৎ তদ্ব্যপদেশো ভাক্তঃ
তদ্ভাবভাবিত্বাৎ ওঁ ॥ ২.৩.১৬॥
ওঁ নাত্মা অশ্রুতের্নিত্যত্বাচ্চ তাভ্যঃ ওঁ ॥ ২.৩.১৭॥
ওঁ জ্ঞোঽত এব ওঁ ॥ ২.৩.১৮॥
ওঁ যুক্তেশ্চ ওঁ ॥ ২.৩.১৯॥
ওঁ উৎক্রান্তিগত্যাগতীনাম্ ওঁ ॥ ২.৩.২০॥
ওঁ স্বাত্মনা চোত্তরয়োঃ ওঁ ॥ ২.৩.২১॥
ওঁ নাণুরতৎ শ্রুতেরিতি চেন্ন ইতরাধিকারাৎ ওঁ ॥ ২.৩.২২॥
ওঁ স্বশব্দোন্মানাভ্যাং চ ওঁ ॥ ২.৩.২৩॥
ওঁ অবিরোধশ্চন্দনবৎ ওঁ ॥ ২.৩.২৪॥
ওঁ অবস্থিতিবৈশেষ্যাদিতি চেন্নাভ্যুপগমাদ্ধৃদ্ধি হি ওঁ ॥ ২.৩.২৫॥
ওঁ গুণাদ্বাঽঽলোকবৎ ওঁ ॥ ২.৩.২৬॥
ওঁ ব্যতিরেকো গন্ধবৎ তথা চ দর্শয়তি ওঁ ॥ ২.৩.২৭॥
ওঁ পৃথগুপদেশাৎ ওঁ ॥ ২.৩.২৮॥
ওঁ তদ্গুণসারত্বাত্তু তদ্ব্যপদেশঃ প্রাজ্ঞবৎ ওঁ ॥ ২.৩.২৯॥
ওঁ যাবদাত্মভাবিত্বাচ্চ ন দোষস্তদ্দর্শনাৎ ওঁ ॥ ২.৩.৩০॥
ওঁ পুংস্ত্বাদিবত্ত্বস্য সতোঽভিব্যক্তিয়োগাৎ ওঁ ॥ ২.৩.৩১॥
ওঁ নিত্যোপলব্ধ্যনুপলব্ধিপ্রসঙ্গোঽন্যতরনিয়মো
বাঽন্যথা ওঁ ॥ ২.৩.৩২॥
ওঁ কর্তা শাস্ত্রার্থবত্ত্বাৎ ওঁ ॥ ২.৩.৩৩॥
ওঁ বিহারোপদেশাৎ ওঁ ॥ ২.৩.৩৪॥
ওঁ উপাদানাৎ ওঁ ॥ ২.৩.৩৫॥
ওঁ ব্যপদেশাচ্চ ক্রিয়ায়াং ন চেন্নির্দেশবিপর্যযঃ ওঁ ॥ ২.৩.৩৬॥
ওঁ উপলব্ধিবদনিয়মঃ ওঁ ॥ ২.৩.৩৭॥
ওঁ শক্তিবিপর্যযাৎ ওঁ ॥ ২.৩.৩৮॥
ওঁ সমাধ্যভাবাছ ওঁ ॥ ২.৩.৩৯॥
ওঁ যথা চ তক্ষোভয়থা ওঁ ॥ ২.৩.৪০॥
ওঁ পরাত্তু তচ্ছ্রুতেঃ ওঁ ॥ ২.৩.৪১॥
ওঁ কৃতপ্রয়ত্নোপেক্ষস্তু বিহিতপ্রতিষিদ্ধাবৈয়র্থ্যাদিভ্যঃ ওঁ ॥ ২.৩.৪২॥
ওঁ অংশো নানাব্যপদেশাদন্যথা চাপি
দাশকিতবাদিত্বমধীয়ত একে ওঁ ॥ ২.৩.৪৩॥
ওঁ মন্ত্রবর্ণাৎ ওঁ ॥ ২.৩.৪৪॥
ওঁ অপি স্মর্যতে ওঁ ॥ ২.৩.৪৫॥ পাঠভেদ অপি চ স্মর্যতে
ওঁ প্রকাশাদিবন্নৈবং পরঃ ওঁ ॥ ২.৩.৪৬॥
ওঁ স্মরন্তি চ ওঁ ॥ ২.৩.৪৭॥
ওঁ অনুজ্ঞাপরিহারৌ দেহসম্বন্ধাজ্জ্যোতিরাদিবৎ ওঁ ॥ ২.৩.৪৮॥
ওঁ অসন্ততেশ্চাব্যতিকরঃ ওঁ ॥ ২.৩.৪৯॥
ওঁ আভাস এব চ ওঁ ॥ ২.৩.৫০॥
ওঁ অদৃষ্টানিয়মাৎ ওঁ ॥ ২.৩.৫১॥
ওঁ অভিসন্ধ্যাদিষ্বপি চৈবম্ ওঁ ॥ ২.৩.৫২॥
ওঁ প্রদেশাদিতি চেন্নান্তর্ভাবাৎ ওঁ ॥ ২.৩.৫৩॥
ইতি শ্রীমৎকৃষ্ণদ্বৈপায়নকৃতব্রহ্মসূত্রেষু
দ্বিতীয়াধ্যায়স্য তৃতীয়ঃ পাদঃ সমাপ্তঃ
ওঁ তথা প্রাণাঃ ওঁ ॥ ২.৪.১॥
ওঁ গৌণ্যসম্ভবাৎ ওঁ ॥ ২.৪.২॥
ওঁ প্রতিজ্ঞানুপরোধাচ্চ ওঁ ॥ ২.৪.৩॥ পাঠভেদ sUtra absent
ওঁ তৎপ্রাক্শ্রুতেশ্চ ওঁ ॥ ২.৪.৪॥
ওঁ তৎপূর্বকত্বাদ্বাচঃ ওঁ ॥ ২.৪.৫॥
ওঁ সপ্ত গতের্বিশেষিতত্বাচ্চ ওঁ ॥ ২.৪.৬॥
ওঁ হস্তাদয়স্তু স্থিতেঽতো নৈবম্ ওঁ ॥ ২.৪.৭॥
ওঁ অণবশ্চ ওঁ ॥ ২.৪.৮॥
ওঁ শ্রেষ্ঠশ্চ ওঁ ॥ ২.৪.৯॥
ওঁ ন বায়ুক্রিয়ে পৃথগুপদেশাৎ ওঁ ॥ ২.৪.১০॥
ওঁ চক্ষুরাদিবত্তু তৎসহশিষ্ট্যাদিভ্যঃ ওঁ ॥ ২.৪.১১॥
ওঁ অকরণত্বাচ্চ ন দোষস্তথা হি দর্শয়তি ওঁ ॥ ২.৪.১২॥
ওঁ পঞ্চবৃত্তির্মনোবদ্ব্যপদিশ্যতে ওঁ ॥ ২.৪.১৩॥
ওঁ অণুশ্চ ওঁ ॥ ২.৪.১৪॥
ওঁ জ্যোতিরাদ্যধিষ্ঠানং তু তদামননাৎ ওঁ ॥ ২.৪.১৫॥
ওঁ প্রাণবতা শব্দাৎ ওঁ ॥ ২.৪.১৬॥
ওঁ তস্য চ নিতয়ত্বাৎ ওঁ ॥ ২.৪.১৭॥
ওঁ ত ইন্দ্রিয়াণি তদ্ব্যপদেশাদন্যত্র শ্রেষ্ঠাৎ ওঁ ॥ ২.৪.১৮॥
ওঁ ভেদশ্রুতেঃ ওঁ ॥ ২.৪.১৯॥
ওঁ বৈলক্ষণ্যাচ্চ ওঁ ॥ ২.৪.২০॥
ওঁ সঞ্জ্ঞামূর্তিক্লৃপ্তিস্তু ত্রিবৃৎকুর্বত উপদেশাৎ ওঁ ॥ ২.৪.২১॥
ওঁ মাংসাদি ভৌমং যথাশব্দমিতরয়োশ্চ ওঁ ॥ ২.৪.২২॥
ওঁ বৈশেষ্যাত্তু তদ্বাদস্তদ্বাদঃ ওঁ ॥ ২.৪.২৩॥
ইতি শ্রীমৎকৃষ্ণদ্বৈপায়নকৃতব্রহ্মসূত্রেষু
দ্বিতীয়াধ্যায়স্য চতুর্থঃ পাদঃ সমাপ্তঃ
॥ ইতি দ্বিতীয়োঽধ্যায়ঃ॥
॥ অথ তৃতীয়োঽধ্যায়ঃ॥
ওঁ তদন্তরপ্রতিপত্তৌ রংহতি সম্পরিষ্বক্তঃ
প্রশ্ননিরূপণাভ্যাম্ ওঁ ॥ ৩.১.১॥
ওঁ ত্র্যাত্মকত্বাত্তু ভূয়স্ত্বাৎ ওঁ ॥ ৩.১.২॥
ওঁ প্রাণগতেশ্চ ওঁ ॥ ৩.১.৩॥
ওঁ অগ্ন্যাদিগতিশ্রুতেরিতি চেন্ন ভাক্তত্বাৎ ওঁ ॥ ৩.১.৪॥
ওঁ প্রথমেঽশ্রবণাদিতি চেন্ন তা এব হ্যুপপত্তেঃ ওঁ ॥ ৩.১.৫॥
ওঁ অশ্রুতত্বাদিতি চেন্নেষ্টাদিকারিণাং প্রতীতেঃ ওঁ ॥ ৩.১.৬॥
ওঁ ভাক্তং বাঽনাত্মবিত্ত্বাৎ তথা হি দর্শয়তি ওঁ ॥ ৩.১.৭॥
ওঁ কৃতাত্যযেঽনুশয়বান্ দৃষ্টস্মৃতিভ্যাম্ ওঁ ॥ ৩.১.৮॥
পাঠভেদ 3.1.8 and 9 combined
ওঁ যথেতমনেবং চ ওঁ ॥ ৩.১.৯॥
ওঁ চরণাদিতি চেন্নোপলক্ষণার্থেতি কার্ষ্ণাজনিঃ ওঁ ॥ ৩.১.১০॥
ওঁ আনর্থক্যমিতি চেন্ন তদপেক্ষত্বাৎ ওঁ ॥ ৩.১.১১॥
ওঁ সুকৃতদুষ্কৃতে এবেতি তু বাদরিঃ ওঁ ॥ ৩.১.১২॥
ওঁ অনিষ্টাদিকারিণামপি চ শ্রুতম্ ওঁ ॥ ৩.১.১৩॥
ওঁ সংয়মনে ত্বনুভূয়েতরেষামারোহাবরোহৌ
তদ্গতিদর্শনাৎ ওঁ ॥ ৩.১.১৪॥
ওঁ স্মরন্তি চ ওঁ ॥ ৩.১.১৫॥
ওঁ অপি সপ্ত ওঁ ॥ ৩.১.১৬॥
ওঁ তত্রাপি চ তদ্ব্যাপারাদবিরোধঃ ওঁ ॥ ৩.১.১৭॥
ওঁ বিদ্যাকর্মণোরিতি তু প্রকৃতত্বাৎ ওঁ ॥ ৩.১.১৮॥
ওঁ ন তৃতীয়ে তথোপলব্ধেঃ ওঁ ॥ ৩.১.১৯॥
ওঁ স্মর্যতেঽপি চ লোকে ওঁ ॥ ৩.১.২০॥
ওঁ দর্শনাচ্চ ওঁ ॥ ৩.১.২১॥
ওঁ তৃতীয়ে শব্দাবরোধঃ সংশোকজস্য ওঁ ॥ ৩.১.২২॥
ওঁ স্মরণাচ্চ ওঁ ॥ ৩.১.২৩॥
ওঁ তৎসাভাব্যাপত্তিরুপপত্তেঃ ওঁ ॥ ৩.১.২৪॥
ওঁ নাতিচিরেণ বিশেষাৎ ওঁ ॥ ৩.১.২৫॥
ওঁ অন্যাধিষ্ঠিতেষু পূর্ববদভিলাপাৎ ওঁ ॥ ৩.১.২৬॥ (অন্যাধিষ্ঠিতে)
ওঁ অশুদ্ধমিতি চেন্ন শব্দাৎ ওঁ ॥ ৩.১.২৭॥
ওঁ রেতঃ সিগ্যোগোঽথ ওঁ ॥ ৩.১.২৮॥
ওঁ যোনেঃ শরীরম্ ওঁ ॥ ৩.১.২৯॥
ইতি শ্রীমৎকৃষ্ণদ্বৈপায়নকৃতব্রহ্মসূত্রেষু
তৃতীয়াধ্যায়স্য প্রথমঃ পাদঃ সমাপ্তঃ
ওঁ সন্ধ্যে সৃষ্টিরাহ হি ওঁ ॥ ৩.২.১॥
ওঁ নির্মাতারং চৈকে পুত্রাদয়শ্চ ওঁ ॥ ৩.২.২॥
ওঁ মায়ামাত্রং তু কার্ত্স্ন্যেনানভিব্যক্তস্বরূপত্বাৎ ওঁ ॥ ৩.২.৩॥
ওঁ সূচকশ্চ হি শ্রুতেঃ আচক্ষতে চ তদ্বিদঃ ওঁ ॥ ৩.২.৪॥
ওঁ পরাভিধ্যানাত্তু তিরোহিতং ততো হ্যস্য বন্ধবিপর্যযৌ ওঁ ॥ ৩.২.৫॥
ওঁ দেহয়োগাদ্বাসোঽপি ওঁ ॥ ৩.২.৬॥
ওঁ তদভাবো নাডীষু তচ্ছ্রুতেঃ আত্মনি চ ওঁ ॥ ৩.২.৭॥
ওঁ অতঃ প্রবোধোঽস্মাৎ ওঁ ॥ ৩.২.৮॥
ওঁ স এব তু কর্মানুস্মৃতিশব্দবিধিভ্যঃ ওঁ ॥ ৩.২.৯॥
ওঁ মুগ্ধেঽর্ধসম্পত্তির্পরিশেষাৎ ওঁ ॥ ৩.২.১০॥
ওঁ ন স্থানতোঽপি পরস্যোভয়লিঙ্গং সর্বত্র হি ওঁ ॥ ৩.২.১১॥
ওঁ ন ভেদাদিতি চেন্ন প্রত্যেকমতদ্বচনাৎ ওঁ ॥ ৩.২.১২॥
ওঁ অপি চৈবমেকে ওঁ ॥ ৩.২.১৩॥
ওঁ অরূপবদেব হি তৎপ্রধানত্বাৎ ওঁ ॥ ৩.২.১৪॥
ওঁ প্রকাশবচ্চাবৈয়র্থ্যাৎ ওঁ (প্রকাশবচ্চাবৈয়র্থ্যম্) ॥ ৩.২.১৫॥
ওঁ আহ চ তন্মাত্রম্ ওঁ ॥ ৩.২.১৬॥
ওঁ দর্শয়তি চাথোঽপি স্মর্যতে ওঁ ॥ ৩.২.১৭॥
ওঁ অত এব চোপমা সূর্যকাদিবৎ ওঁ ॥ ৩.২.১৮॥
ওঁ অম্বুবদগ্রহণাত্তু ন তথাত্বম্ ওঁ ॥ ৩.২.১৯॥
ওঁ বৃদ্ধিহ্রাসভাক্ত্বমন্তর্ভাবাৎ
উভয়সামঞ্জস্যাদেবম্ ওঁ ॥ ৩.২.২০॥
ওঁ দর্শনাচ্চ ওঁ ॥ ৩.২.২১॥
ওঁ প্রকৃতৈতাবত্ত্বং হি প্রতিষেধতি ততো ব্রবীতি
চ ভূয়ঃ ওঁ ॥ ৩.২.২২॥
ওঁ তদব্যক্তমাহ হি ওঁ ॥ ৩.২.২৩॥
ওঁ অপি সংরাধনে প্রত্যক্ষানুমানাভ্যাম্ ওঁ ॥ ৩.২.২৪॥
ওঁ প্রকাশবচ্চাবৈশেষ্যং ওঁ ॥ ৩.২.২৫॥
পাঠভেদ 3.2.25 and 26 combined
ওঁ প্রকাশশ্চ কর্মণ্যভ্যাসাৎ ওঁ ॥ ৩.২.২৬॥
ওঁ অতোঽনন্তেন তথা হি লিঙ্গম্ ওঁ ॥ ৩.২.২৭॥
ওঁ উভয়ব্যপদেশাত্তু অহিকুণ্ডলবৎ ওঁ ॥ ৩.২.২৮॥
ওঁ প্রকাশাশ্রয়বদ্বা তেজস্ত্বাৎ ওঁ ॥ ৩.২.২৯॥
ওঁ পূর্ববদ্বা ওঁ ॥ ৩.২.৩০॥
ওঁ প্রতিষেধাচ্চ ওঁ ॥ ৩.২.৩১॥
ওঁ পরমতস্সেতূন্মানসম্বন্ধভেদব্যপদেশেভ্যঃ ওঁ ॥ ৩.২.৩২॥
ওঁ দর্শনাৎ ওঁ ॥ ৩.২.৩৩॥
ওঁ বুদ্ধ্যর্থঃ পাদবৎ ওঁ ॥ ৩.২.৩৪॥
ওঁ স্থানবিশেষাৎপ্রকাশাদিবৎ ওঁ ॥ ৩.২.৩৫॥
ওঁ উপপত্তেশ্চ ওঁ ॥ ৩.২.৩৬॥
ওঁ তথাঽন্যপ্রতিষেধাৎ ওঁ ॥ ৩.২.৩৭॥
ওঁ অনেন সর্বগতত্বমায়াময়শব্দাদিভ্যঃ ওঁ ॥ ৩.২.৩৮॥
ওঁ ফলমত উপপত্তেঃ ওঁ ॥ ৩.২.৩৯॥
ওঁ শ্রুতত্বাচ্চ ওঁ ॥ ৩.২.৪০॥
ওঁ ধর্মং জৈমিনিঃ অত এব ওঁ ॥ ৩.২.৪১॥
ওঁ পূর্বং তু বাদরায়ণো হেতুব্যপদেশাৎ ওঁ ॥ ৩.২.৪২॥
ইতি শ্রীমৎকৃষ্ণদ্বৈপায়নকৃতব্রহ্মসূত্রেষু
তৃতীয়াধ্যায়স্য দ্বিতীয়ঃ পাদঃ সমাপ্তঃ
ওঁ সর্ববেদান্তপ্রত্যযং চোদনাদ্যবিশেষাৎ ওঁ ॥ ৩.৩.১॥
ওঁ ভেদান্নেতি চেদেকস্যামপি ওঁ ॥ ৩.৩.২॥
ওঁ স্বাধ্যায়স্য তথাত্বেন হি সমাচারেঽধিকারাচ্চ ওঁ ॥ ৩.৩.৩॥
পাঠভেদ + সমাচারেঽধিকারাচ্চ সববচ্চ তন্নিয়মঃ
ওঁ সলিলবচ্চ তন্নিয়মঃ ওঁ ॥ ৩.৩.৪॥
ওঁ দর্শয়তি চ ওঁ ॥ ৩.৩.৫॥
ওঁ উপসংহারোঽর্থাভেদাদ্বিধিশেষবৎসমানে চ ওঁ ॥ ৩.৩.৬॥
ওঁ অন্যথাত্বং চ শব্দাদিতি চেন্নাবিশেষাৎ ওঁ ॥ ৩.৩.৭॥
ওঁ ন বা প্রকরণভেদাৎপরোবরীয়স্ত্বাদিবৎ ওঁ ॥ ৩.৩.৮॥
ওঁ সঞ্জ্ঞাতশ্চেত্তদুক্তমস্তি তু তদপি ওঁ ॥ ৩.৩.৯॥
ওঁ প্রাপ্তেশ্চ সমঞ্জসম্ ওঁ ॥ ৩.৩.১০॥
ওঁ সর্বাভেদাদন্যত্রেমে ওঁ ॥ ৩.৩.১১॥
ওঁ আনন্দাদয়ঃ প্রধানস্য ওঁ ॥ ৩.৩.১২॥
ওঁ প্রিয়শিরস্ত্বাদ্যপ্রাপ্তিরুপচয়াপচয়ৌ হি ভেদে ওঁ ॥ ৩.৩.১৩॥
ওঁ ইতরে ত্বর্থসামান্যাৎ ওঁ ॥ ৩.৩.১৪॥
ওঁ আধ্যানায় প্রয়োজনাভাবাৎ ওঁ ॥ ৩.৩.১৫॥
ওঁ আত্মশব্দাচ্চ ওঁ ॥ ৩.৩.১৬॥
ওঁ আত্মগৃহীতিরিতরবদুত্তরাৎ ওঁ ॥ ৩.৩.১৭॥
ওঁ অন্বয়াদিতি চেৎস্যাদবধারণাৎ ওঁ ॥ ৩.৩.১৮॥
ওঁ কার্যাখ্যানাদপূর্বম্ ওঁ ॥ ৩.৩.১৯॥
ওঁ সমান এবঞ্চাভেদাৎ ওঁ ॥ ৩.৩.২০॥
ওঁ সম্বন্ধাদেবমন্যত্রাপি ওঁ ॥ ৩.৩.২১॥
ওঁ ন বা বিশেষাৎ ওঁ ॥ ৩.৩.২২॥
ওঁ দর্শয়তি চ ওঁ ॥ ৩.৩.২৩॥
ওঁ সম্ভৃতিদ্যুব্যাপ্ত্যপি চাতঃ ওঁ ॥ ৩.৩.২৪॥
ওঁ পুরুষবিদ্যায়ামিব চেতরেষামনাম্নানাৎ ওঁ ॥ ৩.৩.২৫॥
ওঁ বেধাদ্যর্থভেদাৎ ওঁ ॥ ৩.৩.২৬॥
ওঁ হানৌ তূপায়নশব্দশেষাৎ কুশাচ্ছন্দস্স্তুত্যুপগানবৎ
তদুক্তম্ ওঁ ॥ ৩.৩.২৭॥
ওঁ সাম্পরায়ে তর্তব্যাভাবাৎ তথা হ্যন্যে ওঁ ॥ ৩.৩.২৮॥
ওঁ ছন্দত উভয়াবিরোধাৎ ওঁ ॥ ৩.৩.২৯॥
ওঁ গতেরর্থবত্ত্বমুভয়থাঽন্যথা হি বিরোধঃ ওঁ ॥ ৩.৩.৩০॥
ওঁ উপপন্নস্তল্লক্ষণার্থোপলব্ধেঃ লোকবৎ ওঁ ॥ ৩.৩.৩১॥
ওঁ অনিয়মঃ সর্বেষামবিরোধশ্শব্দানুমানাভ্যাম্ ওঁ ॥ ৩.৩.৩২॥
ওঁ যাবদধিকারমবস্থিতিরাধিকারিকাণাম্ ওঁ ॥ ৩.৩.৩৩॥
ওঁ অক্ষরধিয়াং ত্ববিরোধঃ
সামান্যতদ্ভাবাভ্যামৌপসদবত্তদুক্তম্ ওঁ ॥ ৩.৩.৩৪॥
ওঁ ইয়দামননাৎ ওঁ ॥ ৩.৩.৩৫॥
ওঁ অন্তরা ভূতগ্রামবদিতি চেৎ তদুক্তম্ ওঁ ॥ ৩.৩.৩৬॥
ওঁ অন্যথা ভেদানুপপত্তিরিতিচেন্নোপদেশবৎ ওঁ ॥ ৩.৩.৩৭॥
ওঁ ব্যতিহারো বিশিংষন্তি হীতরব্রৎ ওঁ ॥ ৩.৩.৩৮॥
ওঁ সৈব হি সত্যাদয়ঃ ওঁ ॥ ৩.৩.৩৯॥
ওঁ কামাদিতরত্র তত্র চ আয়তনাদিভ্যঃ ওঁ ॥ ৩.৩.৪০॥
ওঁ আদারাদলোপঃ ওঁ ॥ ৩.৩.৪১॥
ওঁ উপস্থিতেস্তদ্বচনাৎ ওঁ ॥ ৩.৩.৪২॥
ওঁ তন্নির্ধারণার্থনিয়মস্তদ্দৃষ্টের্পৃথগ্ধ্যপ্রতিবন্ধঃ
ফলম্ ওঁ ॥ ৩.৩.৪৩॥
ওঁ প্রদানবদেব হি তদুক্তম্ ওঁ ॥ ৩.৩.৪৪॥
ওঁ লিঙ্গভূয়স্ত্বাত্তদ্ধি বলীয়স্তদপি ওঁ ॥ ৩.৩.৪৫॥
ওঁ পূর্ববিকল্পঃ প্রকরণাৎস্যাৎক্রিয়ামানসবৎ ওঁ ॥ ৩.৩.৪৬॥
ওঁ অতিদেশাচ্চ ওঁ ॥ ৩.৩.৪৭॥
ওঁ বিদ্যৈব তু নির্ধারণাৎ ওঁ ॥ ৩.৩.৪৮॥
ওঁ দর্শনাচ্চ ওঁ ॥ ৩.৩.৪৯॥
ওঁ শ্রুত্যাদিবলীয়স্ত্বাচ্চ ন বাধঃ ওঁ ॥ ৩.৩.৫০॥
ওঁ অনুবন্ধাদিভ্যঃ ওঁ ॥ ৩.৩.৫১॥
ওঁ প্রজ্ঞান্তরপৃথক্ত্ববদ্দৃষ্টিশ্চ তদুক্তম্ ওঁ ॥ ৩.৩.৫২॥
ওঁ ন সামান্যাদপ্যুপলব্ধের্মৃত্যুবন্নহি লোকাপত্তিঃ ওঁ ॥ ৩.৩.৫৩॥
ওঁ পরেণ চ শব্দস্য তাদ্বিধ্যং ভূয়স্ত্বাত্ত্বনুবন্ধঃ ওঁ ॥ ৩.৩.৫৪॥
ওঁ এক আত্মনঃ শরীরে ভাবাৎ ওঁ ॥ ৩.৩.৫৫॥
ওঁ ব্যতিরেকস্তদ্ভাবভাবিত্বান্ন তূপলব্ধিবৎ ওঁ ॥ ৩.৩.৫৬॥
ওঁ অঙ্গাববদ্ধাস্তু ন শাখাসু হি প্রতিবেদম্ ওঁ ॥ ৩.৩.৫৭॥
ওঁ মন্ত্রাদিবদ্বাঽবিরোধঃ ওঁ ॥ ৩.৩.৫৮॥
ওঁ ভূম্নঃ ক্রতুবজ্জ্যায়স্ত্বং তথা চ দর্শয়তি ওঁ ॥ ৩.৩.৫৯॥
ওঁ নানাশব্দাদিভেদাৎ ওঁ ॥ ৩.৩.৬০॥
ওঁ বিকল্পো বিশিষ্টফলত্বাৎ ওঁ ॥ ৩.৩.৬১॥
ওঁ কাম্যাস্তু যথাকামং সমুচ্চীয়েরন্ন বা পূর্বহেত্বভাবাৎ ওঁ ॥ ৩.৩.৬২॥
ওঁ অঙ্গেষু যথাশ্রয়ভাবঃ ওঁ ॥ ৩.৩.৬৩॥
ওঁ শিষ্টেশ্চ ওঁ ॥ ৩.৩.৬৪॥
ওঁ সমাহারাৎ ওঁ ॥ ৩.৩.৬৫॥
ওঁ গুণসাধারণ্যশ্রুতেশ্চ ওঁ ॥ ৩.৩.৬৬॥
ওঁ ন বা তৎসহভাবশ্রুতেঃ ওঁ ॥ ৩.৩.৬৭॥
ওঁ দর্শনাচ্চ ওঁ ॥ ৩.৩.৬৮॥
ইতি শ্রীমৎকৃষ্ণদ্বৈপায়নকৃতব্রহ্মসূত্রেষু
তৃতীয়াধ্যায়স্য তৃতীয়ঃ পাদঃ সমাপ্তঃ
ওঁ পুরুষার্থোঽতঃ শব্দাদিতি বাদরায়ণঃ ওঁ ॥ ৩.৪.১॥
ওঁ শেষত্বাৎপুরুষার্থবাদো যথাঽন্যেষ্বিতি জৈমিনিঃ ওঁ ॥ ৩.৪.২॥
ওঁ আচারদর্শনাৎ ওঁ ॥ ৩.৪.৩॥
ওঁ তচ্ছ্রুতেঃ ওঁ ॥ ৩.৪.৪॥
ওঁ সমন্বারম্ভণাৎ ওঁ ॥ ৩.৪.৫॥
ওঁ তদ্বতো বিধানাৎ ওঁ ॥ ৩.৪.৬॥
ওঁ নিয়মাচ্চ ওঁ ॥ ৩.৪.৭॥
ওঁ অধিকোপদেশাত্তু বাদরায়ণস্যৈবং তদ্দর্শনাৎ ওঁ ॥ ৩.৪.৮॥
ওঁ তুল্যং তু দর্শনম্ ওঁ ॥ ৩.৪.৯॥
ওঁ অসার্বত্রিকী ওঁ ॥ ৩.৪.১০॥
ওঁ বিভাগঃ শতবৎ ওঁ ॥ ৩.৪.১১॥
ওঁ অধ্যযনমাত্রবতঃ ওঁ ॥ ৩.৪.১২॥
ওঁ নাবিশেষাৎ ওঁ ॥ ৩.৪.১৩॥
ওঁ স্তুতয়েঽনুমতির্বা ওঁ ॥ ৩.৪.১৪॥
ওঁ কামকারেণ চৈকে ওঁ ॥ ৩.৪.১৫॥
ওঁ উপমর্দং চ ওঁ ॥ ৩.৪.১৬॥
ওঁ ঊর্ধ্বরেতস্সু চ শব্দে হি ওঁ ॥ ৩.৪.১৭॥
ওঁ পরামর্শং জৈমিনিরচোদনা চাপবদিতি হি ওঁ ॥ ৩.৪.১৮॥
ওঁ অনুষ্ঠেয়ং বাদরায়ণঃ সাম্যশ্রুতেঃ ওঁ ॥ ৩.৪.১৯॥
ওঁ বিধির্বা ধারণবৎ ওঁ ॥ ৩.৪.২০॥
ওঁ স্তুতিমাত্রমুপাদানাদিতি চেন্নাপূর্বত্বাৎ ওঁ ॥ ৩.৪.২১॥
ওঁ ভাবশব্দাচ্চ ওঁ ॥ ৩.৪.২২॥
ওঁ পারিপ্লবার্থা ইতি চেন্ন বিশেষিতত্বাৎ ওঁ ॥ ৩.৪.২৩॥
ওঁ তথা চৈকবাক্যোপবন্ধাৎ ওঁ ॥ ৩.৪.২৪॥
ওঁ অত এব চাগ্নীন্ধনাদ্যনপেক্ষা ওঁ ॥ ৩.৪.২৫॥
ওঁ সর্বাপেক্ষা চ যজ্ঞাদিশ্রুতেঃ অশ্ববৎ ওঁ ॥ ৩.৪.২৬॥
ওঁ শমদমাদ্যুপেতঃ স্যাত্তথাঽপি তু তদ্বিধেস্তদঙ্গতয়া
তেষামবশ্যানুষ্ঠেয়ত্বাৎ ওঁ ॥ ৩.৪.২৭॥
ওঁ সর্বান্নানুমতিশ্চ প্রাণাত্যযে তদ্দর্শনাৎ ওঁ ॥ ৩.৪.২৮॥
ওঁ অবাধাচ্চ ওঁ ॥ ৩.৪.২৯॥
ওঁ অপি স্মর্যতে ওঁ ॥ ৩.৪.৩০॥
ওঁ শব্দশ্চাতোঽকামচারে ওঁ ॥ ৩.৪.৩১॥
ওঁ বিহিতত্বাচ্চাশ্রমকর্মাপি ওঁ ॥ ৩.৪.৩২॥
ওঁ সহকারিত্বেন চ ওঁ ॥ ৩.৪.৩৩॥
ওঁ সর্বথাপি তু ত এবোভয়লিঙ্গাৎ ওঁ ॥ ৩.৪.৩৪॥
ওঁ অনভিভবং চ দর্শয়তি ওঁ ॥ ৩.৪.৩৫॥
ওঁ অন্তরা চাপি তু তদ্দৃষ্টেঃ ওঁ ॥ ৩.৪.৩৬॥
ওঁ অপি স্মর্যতে ওঁ ॥ ৩.৪.৩৭॥
ওঁ বিশেষণানুগ্রহং চ ওঁ ॥ ৩.৪.৩৮॥
ওঁ অতস্ত্বিতরজ্জ্যায়ো লিঙ্গাচ্চ ওঁ ॥ ৩.৪.৩৯॥
ওঁ তদ্ভূতস্য তু তদ্ভাবো জৈমিনেরপি
নিয়মাতদ্রূপাঽভাবেভ্যঃ ওঁ ॥ ৩.৪.৪০॥
ওঁ ন চাধিকারিকমপি পতনানুমানাত্তদয়োগাৎ ওঁ ॥ ৩.৪.৪১॥
ওঁ উপপূর্বমপীত্যেকে ভাবশমনবত্তদুক্তম্ ওঁ ॥ ৩.৪.৪২॥
ওঁ বহিস্তূভয়থাপি স্মৃতেরাচারাচ্চ ওঁ ॥ ৩.৪.৪৩॥
ওঁ স্বামিনঃ শ্রুতেরিত্যাত্রেয়ঃ ওঁ ॥ ৩.৪.৪৪॥
ওঁ আর্ত্বিজ্যমিত্যৌডুলোমিঃ তস্মৈ হি পরিক্রিয়তে ওঁ ॥ ৩.৪.৪৫॥
ওঁ সহকার্যন্তরবিধিঃ পক্ষেণ তৃতীয়ং তদ্বতো
বিদ্যাদিবৎ ওঁ ॥ ৩.৪.৪৬॥
পাঠভেদ শ্রুতেশ্চ added to 3.4.46
ওঁ কৃৎস্নভাবাত্তু গৃহিণোপসংহারঃ ওঁ ॥ ৩.৪.৪৭॥
ওঁ মৌনবদিতরেষামপ্যুপদেশাৎ ওঁ ॥ ৩.৪.৪৮॥
ওঁ অনাবিষ্কুর্বন্নন্বয়াৎ ওঁ ॥ ৩.৪.৪৯॥
ওঁ ঐহিকমপ্রস্তুতপ্রতিবন্ধে তদ্দর্শনাৎ ওঁ ॥ ৩.৪.৫০॥
ওঁ এবং মুক্তিফলানিয়মস্তদবস্থাবধৃতেস্তদবস্থাবধৃতেঃ ওঁ ॥ ৩.৪.৫১॥
ইতি শ্রীমৎকৃষ্ণদ্বৈপায়নকৃতব্রহ্মসূত্রেষু
তৃতীয়াধ্যায়স্য চতুর্থঃ পাদঃ সমাপ্তঃ
॥ ইতি তৃতীয়োঽধ্যায়ঃ॥
॥ অথ চতুর্থোঽধ্যায়ঃ॥
ওঁ আবৃত্তিঃ অসকৃদুপদেশাৎ ওঁ ॥ ৪.১.১॥
ওঁ লিঙ্গাচ্চ ওঁ ॥ ৪.১.২॥
ওঁ আত্মেতি তূপগচ্ছন্তি গ্রাহয়ন্তি চ ওঁ ॥ ৪.১.৩॥
ওঁ ন প্রতীকে ন হি সঃ ওঁ ॥ ৪.১.৪॥
ওঁ ব্রহ্মদৃষ্টিরুৎকর্ষাৎ ওঁ ॥ ৪.১.৫॥
ওঁ আদিত্যাদিমতয়শ্চাঙ্গ উপপত্তেঃ ওঁ ॥ ৪.১.৬॥
ওঁ আসীনস্সম্ভবাৎ ওঁ ॥ ৪.১.৭॥
ওঁ ধ্যানাচ্চ ওঁ ॥ ৪.১.৮॥
ওঁ অচলত্বং চাপেক্ষ্য ওঁ ॥ ৪.১.৯॥
ওঁ স্মরন্তি চ ওঁ ॥ ৪.১.১০॥
ওঁ যত্রৈকাগ্রতা তত্রাবিশেষাৎ ওঁ ॥ ৪.১.১১॥
ওঁ আ প্রায়ণাত্তত্রাপি হি দৃষ্টম্ ওঁ ॥ ৪.১.১২॥
ওঁ তদধিগম উত্তরপূর্বাঘয়োরশ্লেষবিনাশৌ
তদ্ব্যপদেশাৎ ওঁ ॥ ৪.১.১৩॥
ওঁ ইতরস্যাপ্যেবমসংশ্লেষঃ পাতে তু ওঁ ॥ ৪.১.১৪॥
ওঁ অনারব্ধকার্যে এব তু পূর্বে তদবধেঃ ওঁ ॥ ৪.১.১৫॥
ওঁ অগ্নিহোত্রাদি তু তৎকার্যায়ৈব তদ্দর্শনাৎ ওঁ ॥ ৪.১.১৬॥
ওঁ অতোঽন্যদপীত্যেকেষামুভয়োঃ ওঁ ॥ ৪.১.১৭॥
ওঁ যদেব বিদ্যযেতি হি ওঁ ॥ ৪.১.১৮॥
ওঁ ভাগেন ত্বিতরে ক্ষপয়িত্বা সম্পৎস্যতে ওঁ ॥ ৪.১.১৯॥
ইতি শ্রীমৎকৃষ্ণদ্বৈপায়নকৃতব্রহ্মসূত্রেষু
চতুর্থাধ্যায়স্য প্রথমঃ পাদঃ সমাপ্তঃ
ওঁ বাঙ্গ্মনসি দর্শনাচ্ছব্দাচ্চ ওঁ ॥ ৪.২.১॥
ওঁ অত এব চ সর্বাণ্যনু ওঁ ॥ ৪.২.২॥
ওঁ তন্মনঃ প্রাণ উত্তরাৎ ওঁ ॥ ৪.২.৩॥
ওঁ সোঽধ্যক্ষে তদুপগমাদিভ্যঃ ওঁ ॥ ৪.২.৪॥
ওঁ ভূতেষু তচ্ছ্রুতেঃ ওঁ ॥ ৪.২.৫॥
ওঁ নৈকস্মিন্ দর্শয়তো হি ওঁ ॥ ৪.২.৬॥
ওঁ সমানা চাসৃত্যুপক্রমাদমৃতত্বং চানুপোষ্য ওঁ ॥ ৪.২.৭॥
ওঁ তদপীতেঃ সংসারব্যপদেশাৎ ওঁ ॥ ৪.২.৮॥
ওঁ সূক্ষ্মং প্রমাণতশ্চ তথোপলব্ধেঃ ওঁ ॥ ৪.২.৯॥
ওঁ নোপমর্দেনাতঃ ওঁ ॥ ৪.২.১০॥
ওঁ অস্যৈব চোপপত্তেরূষ্মা ওঁ ॥ ৪.২.১১॥
ওঁ প্রতিষেধাদিতি চেন্ন শারীরাৎ ওঁ ॥ ৪.২.১২॥
ওঁ স্পষ্টো হ্যেকেষাম্ ওঁ ॥ ৪.২.১৩॥
ওঁ স্মর্যতে চ ওঁ ॥ ৪.২.১৪॥
ওঁ তানি পরে তথা হ্যাহ ওঁ ॥ ৪.২.১৫॥
ওঁ অবিভাগো বচনাৎ ওঁ ॥ ৪.২.১৬॥
ওঁ তদোকোঽগ্রজ্বলনং তৎপ্রকাশিতদ্বারো
বিদ্যাসামর্থ্যাত্তচ্ছেষগত্যনুস্মৃতিয়োগাচ্চ হার্দানুগৃহীতাঃ
শতাধিকয়া ওঁ ॥ ৪.২.১৭॥
ওঁ রশ্ম্যনুসারী ওঁ ॥ ৪.২.১৮॥
ওঁ নিশি নেতি চেন্ন সম্ভন্ধাৎ ওঁ ॥ ৪.২.১৯॥
পাঠভেদ 4.2.19 and 20 combined
ওঁ যাবদ্দেহভাবিত্বাদ্দর্শয়তি চ ওঁ ॥ ৪.২.২০॥
ওঁ অতশ্চায়নেঽপি দক্ষিণে ওঁ ॥ ৪.২.২১॥
ওঁ যোগিনঃ প্রতি স্মর্যতে স্মার্তে চৈতে ওঁ ॥ ৪.২.২২॥
ইতি শ্রীমৎকৃষ্ণদ্বৈপায়নকৃতব্রহ্মসূত্রেষু
চতুর্থাধ্যায়স্য দ্বিতীয়ঃ পাদঃ সমাপ্তঃ
ওঁ অর্চিরাদিনা তৎপ্রথিতেঃ ওঁ ॥ ৪.৩.১॥
ওঁ বায়ুশব্দাদবিশেষবিশেষাভ্যাম্ ওঁ ॥ ৪.৩.২॥
ওঁ তটিতোঽধি বরুণঃ সম্বন্ধাৎ ওঁ ॥ ৪.৩.৩॥
ওঁ আতিবাহিকস্তল্লিঙ্গাৎ ওঁ ॥ ৪.৩.৪॥
ওঁ উভয়ব্যামোহাত্তৎসিদ্ধেঃ ওঁ ॥ ৪.৩.৫॥
ওঁ বৈদ্যুতেনৈব ততস্তচ্ছ্রুতেঃ ওঁ ॥ ৪.৩.৬॥
ওঁ কার্যং বাদরিরস্য গত্যুপপত্তেঃ ওঁ ॥ ৪.৩.৭॥
ওঁ বিশেষিতত্বাচ্চ ওঁ ॥ ৪.৩.৮॥
ওঁ সামীপ্যাত্তু তদ্ব্যপদেশঃ ওঁ ॥ ৪.৩.৯॥
ওঁ কার্যাত্যযে তদধ্যক্ষেণ সহাতঃ পরমভিধানাৎ ওঁ ॥ ৪.৩.১০॥
ওঁ স্মৃতেশ্চ ওঁ ॥ ৪.৩.১১॥
ওঁ পরং জৈমিনির্মুখ্যত্বাৎ ওঁ ॥ ৪.৩.১২॥
ওঁ দর্শনাচ্চ ওঁ ॥ ৪.৩.১৩॥
ওঁ ন চ কার্যে প্রতিপত্ত্যভিসন্ধিঃ ওঁ ॥ ৪.৩.১৪॥
ওঁ অপ্রতীকালম্বনান্নয়তীতি বাদরায়ণরুভয়থা চ
দোষাৎ তৎক্রতুশ্চ ওঁ ॥ ৪.৩.১৫॥
ওঁ বিশেষং চ দর্শয়তি ওঁ ॥ ৪.৩.১৬॥
ইতি শ্রীমৎকৃষ্ণদ্বৈপায়নকৃতব্রহ্মসূত্রেষু
চতুর্থাধ্যায়স্য তৃতীয়ঃ পাদঃ সমাপ্তঃ
ওঁ সম্পদ্যাবিহায় স্বেনশব্দাৎ ওঁ ॥ ৪.৪.১॥
ওঁ মুক্তঃ প্রতিজ্ঞানাৎ ওঁ ॥ ৪.৪.২॥
ওঁ আত্মা প্রকরণাৎ ওঁ ॥ ৪.৪.৩॥
ওঁ অবিভাগেন দৃষ্টত্বাৎ ওঁ ॥ ৪.৪.৪॥
ওঁ ব্রাহ্মেণ জৈমিনিরুপন্যাসাদিভ্যঃ ওঁ ॥ ৪.৪.৫॥
ওঁ চিতিমাত্রেণ তদাত্মকত্বাদিত্যৌডুলোমিঃ ওঁ ॥ ৪.৪.৬॥
ওঁ এবমপ্যুপন্যাসাৎপূর্বভাবাদবিরোধং বাদরায়ণঃ ওঁ ॥ ৪.৪.৭॥
ওঁ সঙ্কল্পাদেব চ তচ্ছ্রুতেঃ ওঁ ॥ ৪.৪.৮॥
ওঁ অত এব চানন্যাধিপতিঃ ওঁ ॥ ৪.৪.৯॥
ওঁ অভাবং বাদরিরাহ হ্যেবম্ ওঁ ॥ ৪.৪.১০॥
ওঁ ভাবং জৈমিনির্বিকল্পাম্নানাৎ ওঁ ॥ ৪.৪.১১॥
ওঁ দ্বাদশাহবদুভয়বিধং বাদরায়ণোঽতঃ ওঁ ॥ ৪.৪.১২॥
ওঁ তন্বভাবে সন্ধ্যবদুপপত্তেঃ ওঁ ॥ ৪.৪.১৩॥
ওঁ ভাবে জাগ্রদ্বৎ ওঁ ॥ ৪.৪.১৪॥
ওঁ প্রদীপবদাবেশঃ তথা হি দর্শয়তি ওঁ ॥ ৪.৪.১৫॥
ওঁ স্বাপ্যযসম্পত্ত্যোরন্যতরাপেক্ষমাবিষ্কৃতং হি ওঁ ॥ ৪.৪.১৬॥
ওঁ জগদ্ব্যাপারবর্জম্ ওঁ ॥ ৪.৪.১৭॥
পাঠভেদ 4.4.17 and 18 combined
ওঁ প্রকরণাদসন্নিহিতত্বাচ্চ ওঁ ॥ ৪.৪.১৮॥
ওঁ প্রত্যক্ষোপদেশাদিতি চেন্নাধিকারিকমণ্ডলস্থোক্তেঃ ওঁ ॥ ৪.৪.১৯॥
ওঁ বিকারাবর্তি চ তথা হি দর্শয়তি ওঁ ॥ ৪.৪.২০॥
ওঁ স্থিতিমাহ দর্শয়তশ্চৈবং প্রত্যক্ষানুমানে ওঁ ॥ ৪.৪.২১॥
ওঁ ভোগমাত্রসাম্যলিঙ্গাচ্চ ওঁ ॥ ৪.৪.২২॥
ওঁ অনাবৃত্তিঃ শব্দাদনাবৃত্তিঃ শব্দাৎ ওঁ ॥ ৪.৪.২৩॥
ইতি শ্রীমৎকৃষ্ণদ্বৈপায়নকৃতব্রহ্মসূত্রেষু
চতুর্থাধ্যায়স্য চতুর্থঃ পাদঃ সমাপ্তঃ
॥ ইতি চতুর্থোঽধ্যায়ঃ॥
ভারতীরমণমুখ্যপ্রাণান্তর্গত শ্রীকৃষ্ণার্পণমস্তু
Encoded and proofread by Shrisha Rao
Corrected by Dima Muzhetsky dimamuzhetsky at yahoo.com