নির্বাণ ষট্কম্

ও মনোবুধ্যহংকার চিত্তানিনাহং

ন চ শ্রোত্র জিহ্বে ন চ ঘ্রাণনেত্রে ।

নচ ব্যোম ভূমিন্ন তেজো ন বায়ু-

শ্চিদানন্দরূপঃশিবোঽহং শিবোঽহম্  ॥ ১

 

ন চ প্রাণ সংজ্ঞো ন বৈ পঞ্চবায়ু-

ন বা সপ্তধাতুর্ন বা পংচকোশাঃ|

ন বাক্পাণিপাদং ন চোপস্থপায়ু

চিদানন্দরূপঃ শিবোঽহং শিবোঽহম্॥ ২

 

ন মে দ্বেষরাগৌ ন মে লোভমোহৌ

মদো নৈব মে নৈব মাৎসর্যভাবঃ।

ন ধর্মো ন চার্থো ন কামো ন মোক্ষ-

শ্চিদানন্দরূপঃশিবোঽহং শিবোঽহম্ ॥ ৩

 

ন পুণ্যং ন পাপং ন সৌখ্যং ন দুঃখং

ন মন্ত্রো ন তীর্থ ন বেদা ন যজ্ঞাঃ |

অহং ভোজনং নৈব ভোজ্যং ন ভোক্তা

চিদানন্দরূপঃ শিবোঽহং শিবোঽহম্ ॥ ৪

 

ন মৃত্যুর্ন শঙ্কা ন মে জাতিভেদঃ

পিতা নৈব মে নৈব মাতা ন জন্ম ।

ন বন্ধুর্ন মিত্রং গুরুর্নৈব শিষ্য-

শ্চিদানন্দরূপঃ শিবোঽহং শিবোঽহম্ ॥ ৫

 

অহং নির্বিকল্পো নিরাকাররূপো

বিভুত্বাচ্চ সর্বত্র সর্বেন্দ্রিয়ানাম্ ।

ন চাসঙ্গতং নৈব মুক্তির্ন মেয়-

শ্চিদানন্দরূপঃ শিবোঽহং শিবোঽহম্॥ ৬